Breiðavík um Breiðuvík frá Breiðuvík til Breiðuvíkur

Illa var mér á í messunni í færslunni hér á undan þegar ég í hroka mínum fávisku og hugsunarskekkju fór að vanda um fyrir mönnum og þóttist vita betur en aðrir. Já, svona getur maður talið sig meiri mann en annan. Mín er skömmin og niðurlægingin og bið ég lesendur síðunar forláts á rangfærslum mínum og kjánaskap.

Auðvitað heitir umræddur staður Breiðavík og það er engin afsökun fyrir þeirri heimsku minni að átta mig ekki á að oftar en ekki er rætt um staðinn í þolfalli og þágufalli. Ég þykist vera þokkalega að mér í íslensku en fell marflöt á eigin bragði. Breiðavík er nafnið en við tölum um Breiðuvík og það sem gerðist í Breiðuvík. Punktur og ekki orð um það meira. Mín er skömmin og gengst ég fúslega við þeirri hugsunarskekkju minni og hroka að þykjast vita netur.

 

Athugasemdir

[Baldur Már Bragason, 9.2.2007 kl. 09:31]

Sæl Bergljót, 

Breiðavík um Breiðavík frá Breiðavík til Breiðavíkur. 

Það er málvenja heimamanna að beygja ekki fyrri hluta orðsins. Þetta má til dæmis sjá á www.breidavik.net

Ég geri ráð fyrir að þessi málvenja sé það sem fréttamenn eru að reyna að nota.  Þeim tekst það hins vegar mis vel og detta stundum í að segja Breiðuvík. 

[Guðríður Hrefna Haraldsdóttir, 9.2.2007 kl. 21:33]

Hér með kommenta ég hjá þér og mun verða dugleg við það í framtíðinni, kæra samstarfskona og hundastelpa! 

[Guðríður Hrefna Haraldsdóttir, 10.2.2007 kl. 20:39]

Hehehhehe, sjúr!!!

[Guðný Anna Arnþórsdóttir, 14.2.2007 kl. 23:14]

Já, kæra forvitna blaðakona, það eru í gildi svokölluð Jamtalov hér á Íslandi, - þú skalt ekki halda að þú sért eitthvað betri en aðrir! Jafnvel þó þú sért það stundum.....(Breiðavík er samt Breiðavík, alveg gersamlega burtséð frá þessu....)

[Þórunn Hrefna (IP-tala skráð) 20.2.2007 kl. 00:55]

Hvolparnir eru svo æðislegir að ég verð að hætta að skoða síðuna þína þar til þú hefur selt þá. Ég get svo svarið að það heyrist í mér eitthvað gagg, svipað og talað er um að heyrist í kynsystrum mínum þegar þær handfjatla ungbörn.