Geiri á sér óvildarmann sem farið hefur offörum

Loksins fékk hann inn i í fjölmiðli með óhróðurinn en allir fjölmiðlamenn á landinu orðnir þreyttir á rætnum sögum hans um Geira sem hann gat ekki sýnt fram á að væru sannar.

Og aðeins til viðbótar. Þeir sem telja sig þekkja bróður minn og vita hvurslag mann hann hafi að geyma vil ég segja að menn fara villu vegar ef þeir telja að hann sé klámhundur dónakall og eitthvað þaðan af verra sem svífst einskis og kaupi stúlkur sem hann noti síðan í vændi á Íslandi. Þvílíkt þekkingarleysi og skortur á rökhugsun að halda slíku fram.

Ekki ætla ég að halda því fram að hann sé með geilsabaug og vængi en hann er góður strákur með stórt hjarta. Stúlkurnar sem vinna há honum eru ekki ráðnar í gegnum eitthvert fyrirtæki sem hugsanlega væri að senda þær nauðugar í vinnu og þrældóm. Hann ræður þær sjálfar og greiðir þeim laun. Ég hef stundum hitt þessar stúlkur og hef aldrei heyrt annað en þær séu ánægðar í vinnu hjá Geira. Þær koma aftur og aftur, þéna peninga sem kostar þær í nám eða sér fyrir allri stórfjölskyldunni heima. Þær eru ekki neyddar til neins en hafa það val að lepja dauðan úr skel heima hjá sér eða dansa fyrir fulla kalla á Íslandi.
Aðbúnaður þeirra er góður og ég veit ekki annað en bróðir minn sé vinsæll atvinnurekandi. Stúlkur af örðum stöðum sækja í að vinna hjá honum og hafa það mun betra þar en á hinum stöðunum.
Og svo er nokkuð sem menn ekki vita. Geiri á sér óvildarmann sem lenig starfaði hjá honum en hann neyddist til að segja upp fyrir tveimur þremur árum. Honum ofbauð framkoma mannsins í tilteknu máli auk þess sem hann fékk aftur og aftur kvartanir gesta vegna ruddalegrar framkomu hans við viðskiptavini Goldfinger. Þessi maður hefur farið offörum síðan og líf hans gengur út á það að hefna sín á bróður mínum. Hver einasti fjölmiðlamaður á Íslandi veit hver þessi maður er því hann hefur hringt stöðugt inn á ritstjórnir til að freista þess að koma höggi á bróður minnog hefna sín þannig á honum. Hann hefur ekki haft erindi sem erfiði því heiðarlegir fjölmiðlamenn taka ekki við ósóma af því tagi nema eitthvað staðfesti það sem maðurinn hefur að segja. Það hefur honum ekki tekist fyrr en nú með því að láta af hendi myndir sem hann sjálfur tók af Gunnari Birgissyni. Ísafold beit loks á agnið.Þessi maður hefur hótað bróður mínum og reynt að kúga á alla lund með sms boðum þessa síðustu sólahringa og telur sig nú hafa pálmann í höndunum.
Það er ýmislegt sem fólk veit ekki um framgöngu þessa manns í þessu máli. En ég þekki bróður minn og veit hvaða mann hann hefur að geyma. Gæti sett aðra hönd mína að veði fyrir því að hann tekur ekki þátt í mansali. Þeir sem þekkja Geira geta vitnað um hve stutt er í kvikuna hjá honum en hann má ekkert aumt sjá og hefur greitt götu margra sem átt hafa um sárt að binda. Hann er bissnesmaður sem rekur fyrirtæki sem virðist vera þörf fyrir . Hann hefur lögleg leyfi, hann greiðir sína skatta og skyldur og það er ranglega að honum vegið í þessari umræðu. Og nota bene, það þarf kjark til að reka svona stað, sterk bein til að standa undir því. Geiri bróðir hefur létta lund, er vinsæll og skemmtilegur og það hjálpar honum þegar synt er á móti straumnum.
Það segir mér enginn að hann sé að fara illa með eða meiða nokkra manneskju því það er andstætt eðli hans og lífsskoðun. Ég ætti að þekkja bróður minn sem er ein bónbesta og ljúfasta manneskja sem ég þekki.

Athugasemdir

[steini (IP-tala skráð) 7.6.2007 kl. 00:57]

Frábærir pistlar og orð í tíma töluð. Nú þekki ég bróður þinn ekkert, eða þig, en átti það oft til að kíkja á Maxim hjá honum þegar hann var og hét. Við félagarnir höfðum það til siðs að byrja kvöldin þar með visskíi og vindli áður en maður fór út á lífið og oftar en ekki spjallaði maður við stúlkurnar, kynntist einhverjum þeirra meira að segja og aldrei heyrði ég neina þeirra hafa stafkrók að kvarta undan Geira.

Ég hef líka farið á súlustaði erlendis og hitt þar stúlkur sem hafa unnið hjá Geira. Ágætis dæmi var á súlustað sem ég fór á í Finnlandi. Ein stúlkan þar gaf sig á tal við mig til að betla út úr mér kampavín. Hún spurði mig hvaðan ég væri og um leið og hún heyrði að ég væri íslenskur kallaði hún í nokkrar stallsystur sínar sem komu hlaupandi til og gátu allar slegið um sig með fullt af íslensku. Þær höfðu allar unnið hjá Geira og söknuðu staðarins mikið. Þær höfðu víða dansað um heiminn, en hvergi hefði verið betra að vera en hjá Geira. Hvergi hefði verið komið betur fram við þær, hvergi höfðu þæŕ þénað betur og hvergi hefði verið betra að vera. Ég gat ekki betur skilið en að þær hefðu allar verið til í að stökkva upp í næstu flugvél og aftur til Geira ef það væri í boði. Einhvern veginn trúði ég því alveg sem þær voru að segja og það er alveg á hreinu að Geiri gat ekki haft nokkurt tangarhald á þeim þarna og það var alveg á hreinu að þær voru þarna og höfðu verið hjá Geira af fullkomlega fúsum og frjálsum vilja.

Vonandi að þetta fari allt vel, því Geiri er góður í því sem hann er að gera. 

[Jon Sigurðsson (IP-tala skráð) 14.6.2007 kl. 21:03]

kæra Bergljót,

 varst þú ekki að vinna á DV þar sem svona vinnubrögð voru viðhöfð nánast daglega - skjóta fyrst og spyrja svo ?  og var fyrri færsla mín tekin burt hérna ???

[Forvitna blaðakonan, 16.6.2007 kl. 01:21]

Rétt athugað hjá þér Jón Sigurðsson, ég var að vinna á DV. Ég ætla alls ekki að afsaka þau tilvik þar sem blaðið birti fréttir af fólki sem ekki gat borið hönd yfir höfuð sér og hafði engan annan tilgang en særa viðkomandi og náttúrulega að selja blaðið. Því miður áttu slík mistök sér stað í hita leiksins. En ég fullyrði hins vegar að þær fréttir og annað efni sem ég skrifaði reyndi ég að vinna heiðarlega. Gul blaðamennska er hins vegar stundum þeim annmörkum háð að einhver stendur eftir sár. Oftar en ekki voru það brotamenn sem við fjölluðum um en umfjöllun okkar lenti á fjölskyldum þeirra. Því er til að svara að of mikið er gert úr þeim þætti vegna þess að viðkomandi brotamaður hefur svo sannarlega áður gert fjölskyldu sinni brogað lífið með framferði sínu. Því var ekki við okkur að sakast vegna umfjöllunar um þesslags manneskjur, þær sáu sjálfar um að særa sitt fólk. Að skjóta sendiboðan er tilhneiging þeirra sem fá slæmar fréttir. Það er að hluta til skýring á þeim hug sem menn báru til DV á sínum tíma.

Varðandi fyrri athugasemd þá er því til að svara að ég hef ekki komið nærri því að setja hana út og hef ekki hugmynd hvernig á því stendur. Kannski að umsjónarmenn blogg.is geti svarað því. Ég er saklaus og myndi aldrei gera slíkt þótt eitthvað komi við kaunin á mér.

[Jon Gunnarsson (IP-tala skráð) 9.6.2007 kl. 15:18]

 

 Fanna þessa athugasemd undir Úlfur úlfur... Veit ekki hvort um sama mann er að ræða en annar er Jón Gunnarsson en hinn Sigurðsson. Ertu ekki að meina þetta Jón þegar þú spurðir hvað um athugasemd þína hefði orðið?

.......þarna hitti Skrattinn Ömmu Sina DV vinkona....hafandi unnið á þeim miðli sem mest hefur meitt og sært annað fólk....þá er athyglisvert að lesa frásögn þína þegar ættingi ÞINN á í hlut.

What goes around comes around.....samhryggist þér samt þar sem þetta er aldrei skemmtilegt að láta ættingja sinn lenda í.

Jon Gunnarsson (IP-tala skráð) 9.6.2007 kl. 15:18