Ekki sama hvort Reynir túlkar fréttirnar eða sú forvitna

 

Það er hreint ekki sama hvernig sagt er frá hlutunum; ein og sama fréttin kann að verða að tveimur gjörólíkum, allt eftir því hver túlkar og hverra hagsmunir eru í húfi. Það sýnir sig best á fréttinni hér á undan þar sem sagt er frá 70% aukningu á lestri Mannlífs á milli ára og annarri frétt af þessari söm könnun á vef Ísafoldar

Aukning á lestri Mannlífs verður ekki véfengt eins og sjá má ef skoðaðar eru niðurstöður könnunnar sem Capacent gerði og vitnað er í. En í frétt Reynis vinar míns Traustasonar er sem minnst fjallað um aukningu á lestri Mannlífs, enda ekki hans hagsmunir að tala of hátt um það.

Hann notar hins vegar allt púðrið í að segja frá samdrætti á lestri á Séð & heyrt frá því í vor, þegar Bjarni Brynjólfsson var ritstjóri. Telur sig líklega ná þar góðu skoti á núverandi ritstjóra, Mikael Torfason. Hann lætur þess hins vegar ógetið að S&H var dreift í miklu magni frítt í könnunarvikunni í vor en ekki svo mikið sem einu blaði núna. Þannig liggur í því en Reynir man það kannski ekki eða langar ekkert að muna það enda miklu skemmtilegra fyrir hann að segja frá hrapi S&H en að lestur Mannlífs hafi aukist efir að hann hætti.

Svona gerast kaupin á eyrinni þegar kappið er mikið. Og ekkert nema gaman að því að vera í virkri samkeppni. Ég er jú blaðamaður á Mannlífi og að vonum ánægð. En til gamans geta menn lesið báðar fréttirnar og skoðað könnunina.

Blogg mitt frá í gær er hér:

Það var meira en ánægjulegt að sjá árangur starfa sinna, þegar könnunin um lestur tímarita var birt í morgun. Í nýjustu könnun Capacent á lestri tímarita í nóvember eykst lestur á Mannlífi milli ára um tæp 70%. Lesturinn í október í fyrra var 14,8% en blaðið tók stórt stökk og og fjölgaði lesendum í 22,4% í nóvember í ár. Þar með er Mannlíf mest lesna tímarít á Íslandi um þessar mundir.

Auðvitað er ég sæl og glöð enda sýnir sig að við Kristján Þorvaldsson og fleira gott fólk, erum á réttri leið. Aukning frá því í maí í vor frá því Reynir vinur minn Traustason yfirgaf skútuna og tók að undirbúa blað sitt Ísafold, er einnig umtalsverð en við sem stöndum að blaðinu tókum við því á miðju sumri. Þetta er ekki síður rós í hnappagat Mikka Torfa en hann kom einnig til starfa um svipað leyti.

Það er alltaf gaman að finna meðbyr og sannarlega hvetjandi að finna að fólk vill lesa það sem maður leggur sig allan fram um að skrifa. Til samanburðar er DV mitt gamla blað með 0,2% minni lestur en Mannlíf.

Og Reynis frétt á Ísafoldarfefnum hér:

Nýjasta könnun Capasent varðandi lestur tímarita felur í sér slæm tíðindi fyrir skemmtiritið Séð og heyrt. Blaðið fellur úr rúmlega 35 prósentustiga lestri í maí 2006 undir ritstjórn Bjarna Brynjólfssonar og niður í 23 prósentustig nú. Þetta er eitt mesta fall sem sést hefur frá því mælingar á lestri tímarita hófust. Á sama tíma er Hér og nú með 16,8 prósentustiga lestur og dregur saman með skemmtiritunum. Nýtt líf tekur einnig djúpa dýfu og mælist með 16,3 prósentustig í stað 19,3 stig áður. Kristján Þorvaldsson, ritstjóri Mannlífs, má vel við una því tímarit hans hans heldur sínu og vel það frá seinustu könnun og mælist með 22,4 prósentustig í lestri sem er tæpu stigi undir sérstakri könnun sem gerð var á lestri blaðsins í fyrrahaust og tveimur prósentustigum undir bestu könnun blaðsins á seinustu tveimur árum. En hástökkvarinn í Fróðasamsteypunni er þó Bleikt og blátt, undir ritstjórn Guðmundar Arnarsonar, sem eykur lestur sinn´um 25 prósent ...

 

Athugasemdir

[Reynir (IP-tala skráð) 6.12.2006 kl. 06:59]

• Veggfóður tapar mest allra tímaritanna og fær nú jafn mikinn (lítinn) lestur og hið ágæta tímarit Bleikt og blátt, eða um 8%
• Mannlíf er orðið stærsta mánaðartímarit landsins – það hefur greinilega ekki látið Ísafold slá sig út af laginu.   
• Gestgjafinn sækir enn í sig veðrið  í lestri  þrátt fyrir aukna samkeppni.  Nú lesa yfir 35% allra kvenna Gestgjafann. 
• Hús & Híbýli  rétt heldur sinni stöðu en er með næstum helmingi meiri lestur en Veggfóður.
• Athyglisvert að  hvorki  Ísafold  né   Bistró  eru með í könnuninni þrátt fyrir að bæði blöðin hafi verið komin út !!!
• Meðan lestur Séð og heyrt hefur vaxið milli ára, þá minnkar lestur Hér og nú um 16%.
• Vikan eykur lestur á milli ára.
• Vantar mælingu á Frjálsa verslun og Lifandi vísindi.  Þar með eru öll helstu  tímarit landsins upptalinn.

 

Svo má ekki vanmeta fríblöðin er þar er Birta stærst og fremst á meðal jafningja þó hún taki smá dýfu,  Myndir mánaðarins hafa greinilega svindlað í könnunin og ekkert að marka þeirra mælinu og Sirkus er ekki að ná lestri í samræmi við upplag og dreifingu.

Svona er þetta bara!

[Forvitna blaðakonan, 6.12.2006 kl. 10:40]

Takk fyrir þessar upplýsingar; þú hefur greinilega rýnt í könnunina, hver sem þú ert; ekki ertu Reynir Traustason, svo mikið er víst. En Birta já, spurning hve margir myndu lesa Birtu ef blaðið þyrfti að kaupa út í búð eða hringja og biðja um áskrift. Ég er ekki viss um að það væru margir.

[Forvitna blaðakonan, 6.12.2006 kl. 11:19]

Bara kanna það inn á Capacent.

[Stefán Unnarsson (IP-tala skráð) 6.12.2006 kl. 14:30]

Reynir sem segir að Myndir mánaðarins hafi svindlað á könnuninn hefur lítið vit á tímaritamarkaði því hátt skor hjá okkar blaði er engin nýlunda. Myndir mánaðarins extra er nýung í okkar markaðsstarfi og var þetta 2. tbl. en það fyrsta kom út í ágúst en þá var engin könnun í gangi. Hér koma tölur úr síðustu könnunum:

okt.99	31,70%
okt.00	38,70%
apr.01	42,40%
okt.01	37,40%
okt.02	41,30%
apr.03	39,30%
okt.03	36,00%
apr.04	36,10%
okt.04	39,50%
apr.05	29,60%
okt.05	34,10%
apr.06	30,60%
nóv.06	40,30%

Vel má vera að útgáfa Extra blaðsins hafi haft einhver áhrif en eins og sjá má á tölunum þá kemur það á óvart að lestur skyldi hafa farið niður í bara 30% í 2 vorkönnunum sem voru gerðar þegar okkar stærsti lesendahópur var á kafi í prófum í skólum.

[Reynir Traustason (IP-tala skráð) 6.12.2006 kl. 16:43]

Begga mín, af hverju ertu svona geðstirð og svarar ekki í símann. Veit ekki betur en ég hafi hælt ykkur en svo segir á www.blad.is: ,,Kristján Þorvaldsson, ritstjóri Mannlífs, má vel við una því tímarit hans hans heldur sínu og vel það frá seinustu könnun og mælist með 22,4 prósentustig ..."  Þið og Bleikt og blátt eruð helstu stjörnur útgáfunnar en vissulega er áhyggjuefni hvernig önnur tímarit láta undan síga.

Með virðingu og væntumþykju.

rt

[Forvitna blaðakonan, 6.12.2006 kl. 18:05]

Eksku kallinnn; ég skaust inn á bensínstöð á leið austur og rétt á meðan hefur þú hringt samkvæmt klukkunni. Var á hraðferð til hundana og gat ekki stoppað en ég hef það fyrir reglu á meðan ég ek austur að tala helst ekki í síma. En mitt fyrsta verk eftir sterkan expresso og þriggja hundaknús, verður að hringja í vin minn, sem ég mátti til með að stríða dulítið. Maðurinn sá átti að þekkja það, er sjálfur með stríðnari mönnum... og nú lyfti ég upp tólinu og hringi, eins vert að vera einvherstaðar nærri minn kæri blaðamógúll, rithöfundur, kvikmyndagerðamaður, stjörnublaðamaður, rannsóknarmaður og að ógleymdu farsæll hundaræktandi.