Gaman væri að þurrka smælið af smettinu af Dönum núna og hirða af þeim Tívolíið!

Þeir mega þakka fyrir það Danirnir að við hirðum ekki af þeim Tívolíið þeirra rétt eins eins og Magasin de Nord og aðrar eignir sem okkar menn hafa keypt og Dönum síður svo sárt; fyrir rétt verð auðvitað. Ætli brosið af smettinu á þeim myndi ekki stirna og verða að grettu; svina eins og hendi væri veifað. Hvað það væri mátulegt á þá bévans montrassana. Það er engin spurning að ég væri snögg að fara af stað ef ég ætti brota brot af öllum aurunum þeirra, Björgólfs, Jóns Ásgeirs eða allra þeirra auðmanna sem hafa svona í og með verið að stríða danskinum og kaupa af þeim þjóðarstoltin þeirra hvert á eftir öðru. Ég hef náttúrulega ekkert við Tívólíið þeirra að gera og langar ekki einu sinni til að eiga það en það væri aðeins fyrir ánægjuna að svekkja þá.

Ég viðurkenni að það fór ógurlega fór í taugarnar á mér að tapa fyrir þeim; það munaði svo litlu að við að við ynnum og kæmust í undanúrslit; yrðum ein af fjórum bestu þjóðum heims í handbolta.  Eða hefðum jafnvel staðið á verðlaunapalli um næstu helgi.

Langt er síðan íslenskt landslið hefur leikið eins vel og þetta lið sem hefur það fram yfir fyrri landslið að botninn dettur ekki svo auðveldlega úr leik þess þegar minnst varir heldur býr liðið yfir þeim styrk að geta unnið upp markamun og hampað sigri í lokinn. Ekki eins og svo oft áður þegar íslensk landslið rokka upp og niður. Gátu að vísu sigrað sterkustu lið á góðum dögum áttu svo til að tapa fyrir miðlungs - og veikum liðum á slæmum dögum. Í jafnvæginu og liðsandanum felst styrkur landsliðsins okkar nú.

Haft er fyrir satt að hrokagikkirnir Danir hafi víst stokkið hæð sína af gleði þegar ljóst var að þeir myndu mæta okkur í fyrsta leiknum í átta liða úrslitunum. Töldu okkur auðvelda bráð. Einmitt fyrir þær sakir hefði verið svo ljúft og skemmtilegt að sigra í þessum leik. Ekki að mér sé illa við Dani, fjarri lagi. Þeir gera góðar bíómyndir og frábæra framhaldsmyndir fyrir sjónvarp. Svo er maturinn þeirra góður og Kaupmannahöfn er ein mín uppáhalds borg. Svo sjarmerandi og vinaleg.

En hroki þeirra í okkar garð fer illilega í taugarnar á mér. Að þeir skuli voga sér að gera lítið úr okkur og hlægja upp í opið geðið á okkur. Plástur á sárin er að þeir fengu sannarlega að finna fyrir því í leiknum og máttu þakka fyrir að vinna. Leikurinn hefði svo sannarlega getað farið á anna veg. Það var ekki þeim að þakka hvernig fór, heldur hrein og klár heppni. Engin furða að maður sé pirraður og ég er víst ekki ein um það eftir þennan leik. En líklega er Tívolíið þeirra ekki arðbær fjárfesting og ekki um það að ræða að Jón Ásgeir, Björgólfur, Pálmi í Feng eða allir hinir margmillarnir hafi minnsta áhuga á að eiga Tívolíið þeirra.

Líklega er sterkari leikur að byggja upp þetta efnilega landslið okkar og vinna að því að koma því á toppinn í heiminum. Já, þannig að það verði á heimsmælikvarða að fjórum árum liðnum. Og það ættum við að geta. Hvað munar Kaupþing banka eða hvað hann heitir núna um að skella liðinu öllu á launaskrá næstu fjögur árin? Þeir aurar væru eins og dropi í hafið og myndi muna þá svo litlu að þeir tækju ekki einu sinni eftir því. Kostnaðurinn yrði varla meiri en brotabrot af öllu því fé sem eytt hefur verið í óskiljanlega nafnabreytingu. Auk þess myndu þeir ná þeim smáaurum margfalt til baka með auglýsingum í tengslum við landsliðið. Svo ekki sé talað um þá velvild og bættu ímynd sem þeir myndu ávinna sér meðal landsmanna. Ekki veitti þeim af enda hugsa landsmenn varla fallega til bankanna eftir nýjustu fregnir af öllum gróðanum sem meðal annars er hýrudregin er af laununum okkar sem þeir "varðveita" fyrir okkur sem þurfum á þjónustu þeirra að halda.

Nú er lag einmitt þegar landsliðið hefur unnið til þeirra feikilegu vinsælda meðal þjóðarinnar, og raun ver vitni. Forráðamenn Kaupþings banka eða einhverra hinna bankanna sem græða yfir hundrað milljónir á degi hverjum ( eða var það samanlagt? ) ættu að sýna manndóm í sér og laga aðeins ímynd sína gagnvart okkur vaxtaþrælunum þeirra. Mér myndi að minnsta kosti ekki þykja eins ægilega sárt að borga yfirdráttarvextina mína og öll hin gjöldin sem þeir leggja á mig ef þeir sýndu þann manndóm í sér í stað þess að bjóða í galaveislur og útbrunna skallapoppara til að skemmta eina kvöldstund.

Athugasemdir

[Kata (IP-tala skráð) 5.2.2007 kl. 11:53]

Sæl Begga mín, gaman að þú skulir hafa ratað inn á bloggið mitt! Kíki alltaf reglulega á þitt blogg en hef ekki kvittað fyrir mig enn sem er auðvitað argasti dónaskapur.

Og já, tíminn á DV var skemmtilegastur í heimi - núna er blaðið ekki svipur hjá sjón, allavega ekki ritstjórnin, enginn af okkar gömlu félögum eftir er það nokkuð? Það verður gaman að fylgjast með þessu.

 Og hvað varðar færsluna - abragðshugmynd að láta bankana borga landsliðinu laun - sérstaklega þar sem ég held að HM í handbolta sé annað hvert ár og EM í handbolta hitt árið. Þannig að þeir væru að á eitthvað fyrir sinn snúð á hverju ári. Bannsettir okrararnir ættu aldeilis að hafa efni á þessu.

hafðu það gott Begga mín

Kata - herra Seljan biður að heilsa 

[Forvitna blaðakonan, 10.2.2007 kl. 18:06]

Gaman að heyra frá þér Kata mín; við ætum endilega að setjst niður og drekka saman kaffi við tækifæri. Ég hefði meira en gaman af því. Talaði við herra Seljan í fyrrakvöld og hann var hress a vanda. Sagði mér leyndarmál sem á honum hvíir, en auðvitð vissi ég það. Reyndi að ráðleggja honum. Hann er alltaf jafn elskulegur og ég sakna ykkar bæði.

Láum nú verða að því að drekka saman kaffi, síminn minn er 8215504.

Knús og kossar

Begga