Tími til kominn að skólarnir samræmi mætingatíma og liðki fyrir umferð um leið

Áður en ég flutti í Hveragerði bjó ég í Hafnarfirði þar sem ég kunni afar vel við mig; þótti gott að búa í alvörubæ þar sem er höfn, miðbær, gamli bærinn og allt sem góðan bæ má prýða. Lengi vel skutlaðist ég þetta í vinnunna á morgnanna á 15-20 mínútum; allt eftir því hvernig færðin var og hve umferðin var þung. Ég var reyndar komin upp á lag með að vera á ferðinni fyrir eða eftir að flestir voru á leið í vinnu. Liðlega níu var rennifæri í Skaftahlíðina og ég tók Hafnarfjarðarveginn á um það bil tíu tólf mínútum.

Í mogga í morgun er fylgst með mæðgum sem ferðast úr Áslandinu á morgnanna; önnur í Versló og hin á Suðurlandsbrautina. Það tekur þær fjörutíu mínútur á góðum degi. Þær eiga þess ekki kost að fara þessa leið utan mestu umferðar vegna þess að allir skólar höfuðborgarinnar hefjast á sama tíma.

Og það er einmitt mergurinn málsins. Hvers vegna hefja allir skólar höfuðborgarsvæðisins kennslu á nákvæmlega sama tíma. Hvers vegna geta þeir ekki tekið sig saman og skipst á, á tímabilinu 07:30 -09:30. Eina viku í senn gæti Versló hafið kennslu klukknan 07:30 og síðan hinir með hálftíma millibili til 09:30. Sumsé fært kennsklu fram eða aftur eftir því sem við á og lokið kennslu í samræmi við það?

Ég er ekki í vafa um að það myndi miklu breyta. Foreldrar sem aka börnunum í skólann eru neydd til að vera á ferðinni á sama tíma eins og nú er háttað en hafa sjálfir sveigjanlegan vinnutíma sem þeir geta ekki nýtt sér vegna barnna.

Á merðan gatnakerfi höfuðborgarsvæðisins er ekki betur í stakk búið til að taka við allri þessari umferð myndi það hafa afgerandi áhrif á hve greiðari væri að komast í og úr vinnu.

Ég veit það sjálf hve umferð bíla úr Hafnarfirði til Reykjavíkur jókst á skömmum tíma. Fyrir fimm árum var þetta ekki mikið mál en var orðið óþolandi tveimur árum síðar með tilkomu Vallarhverfis og Áslandsins, svo ekki sé talað um þá viðbót manna sem sótti vinnu til Reykjavíkur af Suðurnesjum eftir að Keflavíkurvegur tvöfaldaðist.

Nú bý ég í Hveragerði en frá hringtorginu við Norðlingaholt er 34 kílómetra akstur austur. Ég fer það á um það bil 20 mínútum. Ég er því fljótari í vinnu úr Hveragerði en ég var þegar ég bjó í Hafnarfirði. Þetta er ekki nokkur hemja að ekki skuli vera hægt að skipuleggja tíma skólanna betur. Og það er ekki spurning, lykilinn að því að breyta þessu eru skólarnir sjálfir. Það sýnir sig eftir að próf hefjast og í jólafríum. Þá rennur umferðin árennslulaust eftir götunum og bílum fækkar um helming.

Þetta er svipað og þegar ekki var komið inn í bankaútibú fyrstu dagana eftir útborgun launa sem miðaðist og gerir enn við fyrsta hvers mánaðar. Tölvuvæðingin kom viðskiptavinum bankanna til hjálpar og gjörbreytti atganginum um hver mánaðarmót; sem reyndar varð úr sögunni því menn sitja einfaldlega við sitt skriforð og sinna sínum bankaviðskiptum í gegnum tölvuna.

En það datt aldrei neinum í hug að gera alvöru úr því að breyta útborgunardögum. Það hefði ekki þurft annað en að ríkið færði daginn aðeins fram eða aftur til að losa tappann sem myndaðist alltaf fyrstu dagana í hverjum mánuði.

 

Athugasemdir

[valur (IP-tala skráð) 28.3.2007 kl. 11:48]

Nýtt blogg. Láttu orðið berast. http://blogg.visir.is/valurgrettis/

Kv Valur Grettisson

[Sverrir Einarsson, 28.3.2007 kl. 18:16]

Að færa skólatímann til færir bara hluta vandans til því þá fara þeir foreldrar sem aka börnum sínum í skólan bara til vinnu á öðrum tímum og þá myndast álag á öðrum tímum. Sé ekki að það leysi vandann. Það þarf að laga gatnakerfi borgarinnar og gatnamálastjóri að hætta að láta umferðarljósin halda umferðinni niðri bara til að búa til teppu....eins og t.d. er gert i garðabæ.

[Díana Sigurðardóttir (IP-tala skráð) 29.3.2007 kl. 09:50]

Það myndi bæta umfeðarmenninguna mikið ef fólk hætti að blaðra í síma á meðan það er á ferð, það tefur umferðina laveg ótrúlega mikið, því á meðan það er að blaðra í símann heldur það umferðinni á eftir sér þar sem þeir eru ekki með hugan við aksturinn og það eru fleirri fleirri bílalengdir á milli þeirra og næsta bíls, missa af græana ljósinu, lengi að koma sér af stað ( erfitt að skipta um gír með síma í hendi ) eru að sikk sakka á milli akgreina ( aftur, erfitt að skipta á ferð ) og skapa mikla hættu fyrir aðra.Er viss um að það myndi bæta mikið ef tekið væri á þessu í umferðinni. En er svo alveg sammála það þarf að taka gatnakerfi borgarinnar í gegn.

[Forvitna blaðakonan, 29.3.2007 kl. 23:20]

Þetta snýst um að skólarnir verði með sveigjanlegri byjunartíma. Það hljóta allir að skilja að í stað þess að ég fari kl.08.00 þessa vikuna fari ég 09.00 og svo framv. Það þýðir auðvitað að það fari ekki allir kl 08.00 og þar með væru færri á ferðinni þá og umferðin dreifast á tvær þrjár stundir. Liggur í augum uppi að það myndi létta á.